Autoritetet gjyqsore në Maqedoni kanë liruar nga burgu, për t'u mbrojtur në liri, katër shqiptarë të fshatit Sopot në veri të vendit, të cilët vuanin dënimin nën akuza se para shtatë vjetësh kishin vendosur një minë në këtë fshat, ku hasi një automjet i NATO-s dhe për pasojë vdiqën dy ushtarë polakë. Por, gjykatat asnjëherë nuk kanë pasur dëshmi të qendrueshme. 11 persona, gjashtë prej të cilëve janë në arrati, u dënuan me 150 vjet burg së bashku. Rasti qe diskutuar gjatë dhe pat nxitur mjaft debate politike.