Një marrëveshje e arritur javën e kaluar mes qeverisë peruane dhe Universitetit Yale në Shtetet e Bashkuara i jep fund debatit mbi kthimin e mijëra artifakteve të marra nga kështjella Machu Pichu rreth një shekull më parë. Relikat e shekullit të 15-të nga qytetërimi Inkas kanë qenë në qendër të një mosmarrëveshjeje shumëvjeçare.
Presidenti peruan Alan Garica tha se artifaktet ishin dhënë hua në vitin 1911, por nuk u kthyen më. Në vitin 2008 shteti peruan ngriti një aktpadi ndaj Universitetit dhe javët e fundit Peruja zhvilloi një fushatë agresive në mediat ndërkombëtare, si presion ndaj Univeristetit Yale për kthimin e artifakteve. Madje Zoti Garica i kishte kërkuar drejtpërdrejt Presidentit Obama të ndërhynte në këtë çështje.
Marrëveshja e arritur parashikon kthimin e më tepër se 4 mijë objekteve në fillim të vitit të ardhshëm. Në fillim të muajit, edhe Muzeu Metropolitan i Arteve në Nju Jork i ktheu Egjiptit 19 artifakte.