Qeveria ukrainase thotë se ka ndaluar ish kryeministren dhe figurën kryesore opozitare Julia Timoshenko të dalë nga vendi për të marrë pjesë në një takim me zyrtarë të lartë në Bruksel.
Zonja Timoshenko është nën hetime për korrupsion dhe abuzim detyre gjatë kohës që ishte në krye të qeverisë nga viti 2007 deri në vitin 2010.
Ajo i ka mohuar akuzat, dhe thotë se është objekt i shtypjes politike.
Prokurorët ukrainas sot thanë se kishin vendosur ndalimin e udhëtimit sepse frikësohen se zonja Timoshenko mund të largohet nga vendi.