Sekretarja amerikane e Shtetit, Hillari Klinton përshëndeti popullin e Malit të Zi me rastin e ditës së tij kombëtare që është sot.
Zonja Klinton tha se në emrin e Presidentit Barak Obama po shfrytëzon rastin e kësaj feste për të riafirmuar lidhjet e forta mes Malit të Zi dhe Shteteve të Bashkuara.
Sekretarja Klinton tha se Shtetet e Bashkuara mbështesin fuqimisht përpjekjet e Malit të Zi për të hyrë në Bashkimin Evropian dhe i janë mirënjohës atij vendi për kontributin që ka dhënë në Afganistan.
Dita Kombëtare e Malit të Zi shënon shpalljen e pavarësisë së vendit nga Perandoria Otomane në vitin 1878 dhe njohjen e saj zyrtarisht nga Turqia.