Gjigandi i energjisë BP tha se ka filluar pompimin e baltës për të mbyllur rrjedhën e naftës nga tubacioni i çarë nën ujë në Gjirin e Meksikës. Roja detare amerikane miratoi një plan të fundit të kompanisë BP për të ndalur rrjedhën e naftën.
Në një deklaratë sot, admiralia Mary Landry tha se pas konsultimeve me ekspertët e qeverisë, ajo miratoi metodën e mbylljes së tubacionit.
Metoda përfshin futja e një përzierje të lëngshme balte në një pus për të ndalur rrjedhjen e pakontrolluar të naftës. Kompania BP njoftoi se operacioni mund të zgjasë dy ditë dhe shanset që të përfundojë me sukses janë 60-70 përqind.
Operacioni komplikohet nga thellësia e madhe në të cilën është çarë tubacioni 1500 metra nën nivelin e detit.
Një operacion i tillë në thellësi kaq të madhe nuk është kryer asnjëherë më parë.