Temperaturat e ulëta, të shoqëruara me rreshje dëbore, kanë përfshirë një pjesë të territorit të Shqipërisë, duke krijuar vështirësi sidomos për lëvizjen e udhëtareve dhe automjeteve. Autoritetet kanë paralajmëruar përkeqësim të mëtejshëm të situatës gjatë fundjavës dhe, për këtë, kanë urdhëruar ndërprerjen e mësimit në të gjithë vendin. Shqipëria vazhdon të ketë mungesa në infrastrukturë dhe kapacitete për përballimin në kohë të emergjencave të shkaktuara nga rreshjet, zjarret apo përmbytjet.