Shqipëri - Rama kritikon autoritetet për lirimin e 3 gjeneralëve

Në Shqipëri kryetari I partisë socialiste Edi Rama kritikoi sot ashpër drejtuesit e ministrisë së Mbrojtjes dhe Shtabit të Përgjithshëm të ushtrisë për lirimin e tre gjeneralëve të lartë, duke u shprehur se e gjitha kjo është sipas tij një vazhdë dramatike e rrënimit të ushtrisë shqiptare. Tre gjeneralët deklaruan javën e shkuar se lirimi i tyre ishte i paligjshëm ndërsa akuzuan drejtuesit e ushtrisë si përgjegjës për një situatë shqetësuese mes forcave të armatosura. Ministria e Mbrojtjes nga ana e saj deklaroi se vendimi për të tre gjeneralët ishte bërë në përputhje me ligjet.