Lidhje

Tiranë: Banka Botërore kërkoi të zbutet varfëria dhe papunësia


Banka Botërore zhvilloi sot një konferencë mbi sfidat e rritjes ekonomike të barabartë dhe gjithëpërfshirëse në Shqipëri.

Konferenca e përbashkët me qeverinë shqiptare shqyrtoi mundësitë e përshpejtimit të rritjes dhe zhvillimit ekonomik, si dhe shkëmbimin e pikëpamjeve mbi këto sfida.

Studimi i Bankës Botërore zbuloi se rritja ekonomike po rifillon në Shqipëri dhe duhen përpjekje të vazhdueshme për të siguruar një rritje të fortë, gjithëpërfshirëse dhe të qëndrueshme.

Banka Botërore dhe Shqipëria
please wait

No media source currently available

0:00 0:03:01 0:00

Po tregjet e punës, vërejti Banka Botërore, vazhdojnë të jenë të dobëta dhe pengojnë rritjen e ekonomisë shqiptare.

“Si pengesa për punësimin e të rinjve nga banka Botërore shihen informacioni i pakët për arsimin dhe tregjet e punës, mungesa e përvojës së punës dhe rrjetet e dobëta profesionale” - thotë Ana Revenga, Drejtore e Lartë për Varfërinë dhe Barazinë në Bankën Botërore.

Reformat duhet të përputhen me nevojat e tregjeve të punës, sidomos në dobi të disa grupimeve si të rinjtë, gratë dhe pakicat kombëtare.

Të rinjtë me arsim të ulët përballen me faktorë shkurajues dhe pengesa në tregun e punës, ndërkohë që ka pabarazi edhe në aksesin e arsimit.

Këto janë arsyet pse migracioni i shqipërisë është i lartë dhe emigrantët janë popullsia më shumë e arsimuar se sa ajo që mbetet brenda vendit.

Studimi i Bankës Botërore pohoi po kryhen reforma në disa fusha si energjia, tatimet dhe pensionet, për të siguruar rritjen e qëndrueshme.

Ato duhet të vazhdojnë me këmbëgulje për të siguruar qëndrueshmërinë fiskale. por treguesit fiskalë mund të rrezikojnë rritjen e ardhshme për Shqipërinë.

“Gjatë hartimit dhe zbatimit të reformave publiku duhet të jetë i informuar për ndikimin që politikat fiskale kanë mbi varfërinë dhe pabarazinë” - thotë Ellen Goldstein, Drejtoresha Rajonale e Bankës Botërore për Europën Juglindore.

Ulja e varfërisë ka ndalur qysh prej krizës ekonomike globale dhe zbutja e varfërisë mbetet në sfidë.

Banka Botërore tha se ekzistojnë instrumenta për ta shpërndarë ndikimin e politikave fiskale.

Madje në këto reforma është thelbësore matja e vazhdueshme e varfërisë dhe e mirëqenies së familjeve.

Banka Botërore tha se Shqipëria ka nevojë të ngutshme për politika fiskale të shëndetshme, si qëndrueshmëria e pensioneve, zhdukja e deficiteve në energjitikë, ulja e borxhit dhe e shpenzimeve publike.


Mendimi juaj

Trego komentet

XS
SM
MD
LG