Bashkimi Evropian ka emëruar diplomatin italian Fernando Gentilini ushtrues detyre të shefit të Zyrës së përfaqësuesit të posaçëm të Bashkimit Evropian në Kosovë dhe njëkohësisht edhe shef i zyrës ndërlidhëse të Komisionit Evropian. Zoti Gentilini e zëvendëson diplomatin Piter Feith, i cili deri në fund të muajit prill e kryente këtë post. Zoti Feith, tash është duke e kryer rolin e mbikëqyrësit të pavarësisë së Kosovës, mbikëqyrje kjo që nga autoritetet në Kosovë po kërkohet të përmbyllet.
Nga Prishtina njofton korrespodenti ynë, Leonat Shehu.