Qeveritë e Bashkimit Evropian ranë dakord të ndalojnë importimin e naftës nga Irani, në kuadrin e fushatës së Perëndimit për të ushtruar presion ndaj Teheranit lidhur me programin bërthamor të vendit.
Diplomatët evropianë thanë sot se qeveritë e grupit prej 27 vendesh ranë dakord në parim lidhur me embargon e naftës ndaj Iranit, por se u nevojitet më tepër kohë për të diskutuar se kur do t’i zbatojnë masat. Franca kërkoi që Ministrat e Jashtëm të BE-së të caktojnë një datë për embargon në një takim më 30 janar.
Zëdhënësja e Departamentit amerikan të Shtetit e mirëpriti marrëveshejn evropiane për ndalimin e importimit të naftës nga Irani, duke thënë se edhe vende të tjera duhet të ndërmarrin veprime të ngjashme.