Bashkimi Europian kërkon përshpejtimin dhe realizimin në kohë të reformës zgjedhore në Shqipëri. Drejtori për zgjerimin në Komisionin Europian Stefano Sannino i cili ndodhet sot në Tiranë vlerësoi gjithashtu se heqja e imuniteteve për deputetët dhe zyrtarët e lartë është një shtyllë e rëndësishme në luftën kundër korrupsionit. Zoti Sannino i cili ështe angazhuar drejtpërdrejt për të nxitur procesin e integrimit të Shqipërisë mori sot nga qeveria shqiptare planin e veprimit për përmbushjen e 12 objektivave që Brukseli ka përcaktuar si kushte për t’i dhënë shqipërisë statusin e vendit kandidat.