Negociatori i lartë bërthamor i Iranit filloi bisedimet me shefen e Bashkimit Evropian për marrëdhëniet me jashtë në Gjenevë për të diskutuar programin e debatueshëm bërthamor të Teheranit.
Saeed Jalimi u takua me zonjën Catherine Ashton dhe diplomatë të tjerë të lartë nga Shtetet e Bashkuara, Rusia, Kina, Britania dhe Gjermania.
Media iraniane tha se zoti Jalili filloi bisedimet duke protestuar me forcë kundër vrasjes së një shkencëtari të lartë bërthamor iranian javën e kaluar.
Në Greqi ministri i Jashtëm iranian Manouchehr Mottaki tha se shpreson që bisedimet do të vazhdojnë në mënyrë konstruktive dhe do të arrijnë një rezultat pozitiv.
Bisedimet dy-ditore shënojnë herën e parë që negociatorët takohen për këtë cështje në më shumë se një vit. Pritshmëria është e ulët, me ekspertët që thonë se shpresa më e madhe është që këto bisedime të pasohen nga të tjera në të ardhmen,
Raundi i fundit i negociatave vjen një ditë pasi shefi bërthamor i Iranit, Ali Akbar Salehi tha se vendi i tij është tani plotësisht i aftë të menaxhojë të gjithë ciklin e karburantit bërthamor, pasi prodhoi sasinë e parë të uraniumit të koncentruar.