Zhvillimet e ditëve të fundit në veriun e Kosovës kanë nxitur debate për statusin e asaj pjese të banuar me shumicë serbe ku nuk njihen dhe nuk pranohen institucionet e Kosovës. Përfaqësues serbë e shqiptarë të institucioneve dhe të shoqërisë civile thanë sot në një debat në Çagllavicë afër Prishtinës se zgjidhja e çështjes së veriut të Kosovës duhet kërkuar në kuadër të planit të kryenegociatorit të Kombeve të Bashkuara Martti Ahtisaari në bazë të të cilit është shpallur pavarësia e Kosovës, por pati edhe ide të tjera për një periudhë kalimtare.