Dhjetra mijëra njerëz u mblodhën sot në qendër të Kairos, ku protestuesit bënë thirrje për një marshim me pjesmarrjen e një milion njerëzve për të kërkuar largimin nga pushteti të Presidentit Hosni Mubarak.
Forcat e ushtrisë vazhduan të qendrojnë të stacionuara në të gjithë kryeqytetin, por nuk kanë ndërhyrë. Ushtria njoftoi më parë se i njeh kërkesat legjitime të popullit egjiptian dhe premtoi se nuk do të hapë zjarr kundër protestuesve.
Një protestë tjetër e madhe është planifikuar sot në qytetin verior të Aleksandrisë.
Shërbimi hekurudhor i vendit u anulua për të dytën ditë me radhë dhe rrugët që çojnë në Kajro u bllokuan, në vazhdën e atyre që disa i quajnë përpjekje të rautoriteteve për të mos lejuar banorët e zonave rurale t’u bashkohen protestave.
Sot vazhdoi ndërprerja e shërbimeve të internetit ndërkohë që Google njoftoi se kishte krijuar një mënyrë që përdoruesit e Twiterit të shkëmbenin mesazhe.