Përkrahësit e qeverisë siriane po grumbullohen në qytetet kryesore në ditën e dytë të protestave kundër vendimit të Lidhjet Arabe për të pezulluar anëtarësimin e Sirisë, ndërsa Siria ka bërë thirrje për një takim urgjent të organizatës.
Shumë nga demonstruesit në Damask, Alepo dhe qytete të tjera valëvitën flamuj dhe mbanin portrete të Presidentit Bashar Al-Assad.
Lidhja Arabe votoi dje për të pezulluar Sirinë duke filluar nga e mërkura nëse qeveria e Asadit vazhdon të shpërfillë thirrjet e organizatës për t’u angazhuar në dialog me opozitën dhe për t’i dhënë fund shtypjes së dhunshme të revoltës tetë mujore.
Qeveria siriane ka kërkuar takim urgjent të Lidhjes para se pezullimi të hyjë në fuqi.