Lidhje

Tërmet në Itali


Italia qendrore është tronditur nga një tjetër tërmet i fuqishëm; i fundit që nga tërmeti vdekjeprurës i gushtit.

Autoriteti italian për mbrojtjen e qytetarëve tha se tërmeti me magnitude 6.6 të djelën në mëngjes rrëzoi ndërtesa në një numër vendesh në zonë. Ka njoftime për plagosje të lehta.

Pjesa më e madhe e bazilikës së Shën Benediktit, ndërtuar në shekullin e 14-të në qytetin Norcia, u shemb duke mbetur vetëm fasada e saj. Murgjit benediktë u lutën para rënojave.

Michele Franchi, zëvendës kryetari i bashkisë së Arquata del Trontos, i tha televizionit RAI se "tërmeti ka goditur objektet që kishin mbetur në këmbë dhe se duhet të fillojmë çdo gjë nga fillimi."

Tronditjet e tërmetit të së djelës u ndjenë deri në Bozano në veri, pranë kufirit austriak dhe deri në rajonin e Pulias në jug.

Epiqendra e tërmetit ishte gjashtë kilometra në very të Norcias, dhe u ndje në Romë – 117 kilometra larg.

Rajoni është tronditur nga pasgoditje që nga tërmeti i gushtit që vrau gati 300 njerëz. Pasgoditje të fuqishme pati në rajon të mërkurën.

XS
SM
MD
LG