Zemërimi shpërtheu sot në gjykatë gjatë rigjykimit të ish presidentit egjiptian Hosni Mubarak për bashkëfajësi në vrasjen e qindra protestuesve, pasi një gjyqtar ndaloi pjesëmarrjen e avokatëve që përfaqësojnë familjet e viktimave.
Avokatët që kanë depozituar çështjen civile kundër zotit Mubarak dhe bashkëfajëtorëve të tij ishin lejuar të merrnin pjesë në gjykimin e parë, që i dha ish udhëheqësit 85 vjeçar dhe shefit të tij të sigurimit dënimin me burgim të përjetshëm.
Por të pandehurit e apeluan vendimin e dhënë një vit më parë dhe gjykata e apelit lejoi rigjykimin e tyre.
Çështja rrjedh nga kryengritja e vitit 2011 që i dha fund sundimit 30-vjeçar të Mubarakut dhe bëri që qeveria egjiptiane të ishte ndër të parat që rrëzohej nga revolucioni i Pranverës Arabe. Gati 900 njerëz u vranë gjatë revoltës.
Zoti Mubarak dhe ish shefi i tij i sigurimit, bashkë me gjashtë ish komandantë të tjerë të sigurimit po gjykohen për vrasje, ndërsa dy djemtë e Mubarakut përballen me akuza për korrupsion. Ata kanë deklaruar se janë të pafajshëm. Në gjykimin e parë, të gjashtë komandantët e policisë dhe djemtë e Mubarakut u liruan nga akuzat. Mubarak është liruar po ashtu nga akuzat për korrupsion.
Avokatët që kanë depozituar çështjen civile kundër zotit Mubarak dhe bashkëfajëtorëve të tij ishin lejuar të merrnin pjesë në gjykimin e parë, që i dha ish udhëheqësit 85 vjeçar dhe shefit të tij të sigurimit dënimin me burgim të përjetshëm.
Por të pandehurit e apeluan vendimin e dhënë një vit më parë dhe gjykata e apelit lejoi rigjykimin e tyre.
Çështja rrjedh nga kryengritja e vitit 2011 që i dha fund sundimit 30-vjeçar të Mubarakut dhe bëri që qeveria egjiptiane të ishte ndër të parat që rrëzohej nga revolucioni i Pranverës Arabe. Gati 900 njerëz u vranë gjatë revoltës.
Zoti Mubarak dhe ish shefi i tij i sigurimit, bashkë me gjashtë ish komandantë të tjerë të sigurimit po gjykohen për vrasje, ndërsa dy djemtë e Mubarakut përballen me akuza për korrupsion. Ata kanë deklaruar se janë të pafajshëm. Në gjykimin e parë, të gjashtë komandantët e policisë dhe djemtë e Mubarakut u liruan nga akuzat. Mubarak është liruar po ashtu nga akuzat për korrupsion.