Gjermania vazhdon të kundërshtojë anëtarësimin e Bullgarisë dhe Rumanisë në listën e vendeve të zonës Shengen për lëvizje të lirë, duke thënë se këto dy vende duhet të bëjnë më shumë për të luftuar korrupsionin.
Në komentet sot në Bruksel, Ministri i Brendshëm gjerman Tomas de Mezier vlerësoi përpjekjet e Rumanisë dhe Bullgarisë për të përmbushur standardet teknike për antarësim.
Por ai tha se ka ende shumë pikëpyetje për sistemet gjyqësore të të dy vendeve dhe angazhimin e tyre në luftën kundër korrupsionit.
Zona Shengen u jep mundësi shtetasve të 25 vendeve anëtare të udhëtojnë lirisht pa kontroll në kufi.
Në dhjetor, Gjermania dhe Franca u shprehën kundër heqjes së kontrolleve kufitare të vendeve të tjera të BE-së për Bullgarinë dhe Rumaninë.