Autoritetet greke kanë njoftuar se më 1 Shkurt do të pezullojnë aktivitetin e dy zyrave doganore me Shqipërinë. Zyra e pikës kufitare të Rripësit në Sarandë dhe një zyrë e Sajadhës në Gumenicë do të mbyllen për shkak të reformave të ndërmarra nga Drejtoria e Përgjithshme greke e doganave. Mbyllja e këtyre zyrave doganore pritet të sjellë probleme për lëvizjen e mallrave në zonat ndërkufitare. Ndërkaq kriza greke ka bërë që edhe personeli doganor grek të jetë i kufizuar duke sjellë radhë të gjata të emigrantëve shqiptarë që udhëtojnë drejt Greqisë.