Lidhje

Indonezi, rritet alarmi për shpërthimin e vullkanit


Të enjten autoritetet në Indonezi e rritën nivelin e alarmit rreth mundësisë së shpërthimit sërisht të vullkanit Anak Krakatoa, që u bë shkak për një cunami vdekjeprurës.

Zona e rrezikuar rreth vullkanit u zgjerua nga dy në pesë kilometra dhe banorët u paralajmëruan të qëndrojnë larg bregdetit. Cunami i së shtunës shkaktoi vdekjen e më shumë se 400 personave dhe zhvendosjen e rreth 22 mijë të tjerëve. Banorët e zhvendosur po përpiqen të përballojnë akthin e një cunami tjetër.

Shirat e rrëmbyeshëm të ditës së enjte po bëhen pengesë për operacionet e kërkimit të më shumë se 150 personave, të cilët rezultojnë ende të humbur, si dhe kanë rritur shqetësimin për përmbytje të tjera.

Facebook Forum

XS
SM
MD
LG