Zëdhënës të ushtrisë irakiane thonë se forcat kurde dhe trupat irakiane të kundër-terrorizmit kanë rimarrë kontrollin e një dige kryesore nga luftëtarët e Shtetit Islamik. Por këta të fundit e kundërshtojnë këtë fakt.
Një zëdhënës i ushtrisë tha sot se mbi digë ngrihet flamuri irakian, por ai e pranoi se objekti nuk është ende plotësisht i sigurtë. Zëdhënësi tha se forcat po kërkojnë tani për lëndë shpërthyese të lëna pas nga forcat rebele.
Shteti Islamaik tha se njoftimi për marrjen e digës, është thjesht propogandë e forcave irakiane. Ushtria amerikane niopfton se luftimet në atë rajon po vazhdojnë. Diga aështë një objekt tepër i rëndësishëm strategjik për Irakun e veriut.
Ushtria amerikane tha dje se kishte kryer goditje ajrore kundër militantëve të Shtetit Islamik pranë digës së Mosulit si pjesë e misionit për të mbrojtur infrastrukturën dhe personelin amerikan.