Irani lejoi sot një objekt të rëndësishëm të hapësirës për herë të parë për t’u vizituar nga gazetarët, një përpjekje e hapur për të treguar dëshirën për të lejuar njohjen me teknologjinë delikate, edhe pse Teherani dhe inspektorët e OKB-së shkëmbejnë akuza lidhur me informacionet e kësaj fushe dhe lejimin e ekspertëve në objektet bërthamore të Iranit.
Vizita e gazetarëve në Qendrën e Hapësirës Alborz në Karaj, rreth 70 kilometra në perëndim të Teheranit, synon gjithashtu t’i tregojë publikut përparimet e Iranit në shkencat e aeronautikës, më pak se një muaj pasi Teherani bëri të njohur lëshimin e një tjetër sateliti në orbitë. Programet ambicioze të Iranit në fushën e hapësirës kanë ngritur shqetësime në Perëdnim për mundësinë e zbatimit të këtyre arritjeve në ushtri.