Zyrtarët irakianë thonë se të paktën 58 veta janë vrarë nga disa bomba, shumica e të cilave kishin në shenjestër shiitët në Bagdat.
Disa shpërthime ndodhën në qytetin Sadr, një lagje shiite e Bagdatit. Zyrtarët e sigurisë thanë se të paktën një makinë bombë shpërtheu pranë zyrës së klerikut anti-amerikan Moktada al-Sadr, duke vrarë të paktën 25 veta dhe plagosur rreth 100 të tjerë.
Një bombë tjetër shpërtheu tek tregu. Zyrtarët thonë se bombat e tjera që shpërthyen sot kishin në shenjestër xhamitë shiite të Bagdatit.
Dhuna pason njoftimet e zyrtarëve irakianë për vrasjen e dy krerëve të al-Kaidës në Bagdat. Grupi është fajësuar për pjesën më të madhe të dhunës në kryeqytetin irakian.