Forcat irakiane përparuan me shpejtësi në pjesën veriore të vendit të martën, duke rimarrë territorin dhe dy fushat më të mëdha të naftës nga kurdët, duke i dhënë fund shpresave të tyre për një shtet të pavarur.
Një ditë pas marrjes nën kontroll të Kirkukut, një qytet me një milion banorë, trupat e Bagdadit hynë nëpër qytete dhe fshatra të tjera të rajonit, dhe kryengritësit kurdë u tërhoqën pa luftë.
Fushat e naftës Bai Hasan dhe Avana prodhonin rreth 250,000 fuçi nafte në ditë. Rreth 650,000 fuçi janë eksportuar për të financuar operacionet e këtij rajoni autonom kurd. Humbja e tyre është një goditje ekonomike ndaj përpjekjeve kurde për të shpallur pavarësinë nga qeveria qendrore në Bagdad. Kurdët votuan në një referendum muajin e kaluar për një shtet të veçantë, por Bagdadi e shpalli të paligjshëm votimin.
Ministri irakian i naftës, Jabar al-Luaibi tha se Bagdadi tani do të përpiqet të rrisë prodhimin në fushat e naftës në Kirkuk në më shumë se një milion fuçi në ditë.
Shtetet e Bashkuara kanë trajnuar si forcat irakiane, ashtu edhe luftëtarët kurdë peshmerga, duke u bashkuar me ta në luftën kundër xhihadistëve të Shtetit Islamik. Presidenti i amerikan Donald Trump tha të hënën se Shtetet e Bashkuar nuk kanë marrë anën e askujt në këtë konflikt.
Facebook Forum