Policia e Gjirokastrës ndërmori sot një operacion në shkallë të gjerë për të goditur rrjetet e trafikut të narkotikëve. Policia tha se në tre ndërhyrje me dhjetëra forca policore u sekuestruan rreth 500 kilogramë lëndë narkotike dhe u arrestuan disa persona. Sipas policisë lënda narkotike transportohej drejt Sarandës dhe Vlorës për t'u dërguar më pas në Greqi dhe Itali.