Ish-i përndjekuri Pëllumb Lamaj fajëson klasën politike për vonesat me dëmshpërblimet

Ish të burgosurit dhe të përndjekurit politikë të regjimit komunist po kërkojnë përshpejtimin e procedurave për dhënien e dëmshpërblimit financiar për vitet që kaluan nëpër burgjet dhe kampet e diktaturës. Por ky nuk është i vetmi shqetësim i kësaj shtrese të shoqërisë që po shuhet, ende pa mundur të rifitojë pozitën e merituar në historinë e vendit. Për të marrë reagime, mendimet e ish të përndjekurve për gjendjen me të cilën ata përballen sot, më se 20 vjet pas përmbysjes së komunizmit kishim të ftuar për një bisedë ne programin televiziv Ditari , zotin Pëllumb Lamaj, i cili ka vuajtur dënimin prej 11 vjetësh në burgun e tmerrshëm të Spaçit.