Ish-Presidenti amerikan Xhimi Karter u shtrua sot në spital në qytetin Klivlend të Ohajos, pasi u sëmur gjatë një udhëtimi me avion.
Një zëdhënëse e Aeroportit Ndërkombëtar Hopkins të Klivlendit të tha se ish-Presidenti u prit ekipet e shpëtimit, kur avioni i tij u ul në tokë dhe u dërgua në spital.
Qendra Karter në Atlanta të Xhorxhas thotë se ish-presidenti ndjeu dhimbje në stomak gjatë fluturimit dhe tani po pushon.
Zoti Karter po shkonte në Klivlend për të nënshkruar kopje të librit të tij të ri “Ditari i Shtëpisë së Bardhë”. Zoti Karter është 85 vjeç dhe shërbeu si President nga viti 1977 deri në vitin 1981.
Qendra Karter thotë se zoti Karter pritet të rifillojë turneun e librit të tij këtë javë.