Mijëra punëtorë protestuan sot kundër qeverisë së re italiane, duke bërë thirrje për reforma urgjente të ligjeve të punës, për të frenuar papunësinë dhe për të përmirësuar rritjen ekonomike. Qeveria e re ndërpartiake e Italisë miratoi dje masat e saj të para që synojnë të ndihmojnë ekonominë.
Sindikata e industrisë metalurgjike dhe sindikata CGIL, më e madhja në Itali, bashkuan forcat duke organizuar një marshim protestë në Romë, ku morën pjesë punonjës nga e gjithë Italia. Veshur me kapele dhe bluza të kuqe dhe duke valëvitur flamuj të kuq të sindikatave, ata marshuan paqësisht drejt sheshit San Giovanni, vendi historik i tubimeve të punës.
"Ne i kërkojmë qeverisë të ndryshojë politikat e Montit dhe Berluskonit. Nëse ata nuk do i ndryshojnë, edhe pasi vendi e kërkoi këtë me votën e tij, nuk do të arrihet asgjë", tha Maurizio Landini, kryetar i sindikatës së metalurgëve FIOM.
Qeveria e re ndërpartiake e Italisë miratoi dje masat e saj të para për përmirësimin e ekonomisë. Ato përfshijnë pezullimin e një takse jopopullore mbi vendbanimet si dhe shtimin e fondeve asistenciale për një program afatshkurtër që ndihmon kompanitë të paguajnë pagat e punëtorëve që kanë larguar nga puna për shkak të krizës.
Pezullimi i tatimit mbi pronat – një masë që pritet të shqyrtohet – është kërkuar nga ish-kryeministri Silvio Berluskoni, për të cilin shfuqizimi i kësaj takse jopopullore ishte një premtim zgjedhor para elektoratit.
Tregjet reaguan pozitivisht ndaj administratës së re të qendrës në Itali, duke u qetësuar pas zgjedhjeve të pasigurta të muajit shkurt, por Ministrat e financave të BE-së e kanë bërë të qartë gjatë takimit të tyre në Bruksel këtë javë se ata presin që reformat e qeverisë së ish-Kryeministrit Mario Monti të vazhdojnë.
Një sërë masash të forta për shkurtimin e shpenzimeve qeveritare dhe rritjen e taksave nga ana e qeverisë së mëparshme të ish-Kryeministrit Monti, që synonin reduktimin e borxhit publik, kanë lënë Italinë në një recesion të thellë. Borxhi publik i vendit përbën rreth 127 për qind të prodhimit ekonomik vjetor të Italisë, duke u renditur i dyti në eurozonë, vetëm pas nivelit të borxhit të Greqisë.
Sindikata e industrisë metalurgjike dhe sindikata CGIL, më e madhja në Itali, bashkuan forcat duke organizuar një marshim protestë në Romë, ku morën pjesë punonjës nga e gjithë Italia. Veshur me kapele dhe bluza të kuqe dhe duke valëvitur flamuj të kuq të sindikatave, ata marshuan paqësisht drejt sheshit San Giovanni, vendi historik i tubimeve të punës.
"Ne i kërkojmë qeverisë të ndryshojë politikat e Montit dhe Berluskonit. Nëse ata nuk do i ndryshojnë, edhe pasi vendi e kërkoi këtë me votën e tij, nuk do të arrihet asgjë", tha Maurizio Landini, kryetar i sindikatës së metalurgëve FIOM.
Qeveria e re ndërpartiake e Italisë miratoi dje masat e saj të para për përmirësimin e ekonomisë. Ato përfshijnë pezullimin e një takse jopopullore mbi vendbanimet si dhe shtimin e fondeve asistenciale për një program afatshkurtër që ndihmon kompanitë të paguajnë pagat e punëtorëve që kanë larguar nga puna për shkak të krizës.
Pezullimi i tatimit mbi pronat – një masë që pritet të shqyrtohet – është kërkuar nga ish-kryeministri Silvio Berluskoni, për të cilin shfuqizimi i kësaj takse jopopullore ishte një premtim zgjedhor para elektoratit.
Tregjet reaguan pozitivisht ndaj administratës së re të qendrës në Itali, duke u qetësuar pas zgjedhjeve të pasigurta të muajit shkurt, por Ministrat e financave të BE-së e kanë bërë të qartë gjatë takimit të tyre në Bruksel këtë javë se ata presin që reformat e qeverisë së ish-Kryeministrit Mario Monti të vazhdojnë.
Një sërë masash të forta për shkurtimin e shpenzimeve qeveritare dhe rritjen e taksave nga ana e qeverisë së mëparshme të ish-Kryeministrit Monti, që synonin reduktimin e borxhit publik, kanë lënë Italinë në një recesion të thellë. Borxhi publik i vendit përbën rreth 127 për qind të prodhimit ekonomik vjetor të Italisë, duke u renditur i dyti në eurozonë, vetëm pas nivelit të borxhit të Greqisë.