Presidentja e Kosovës Atifete Jahjaga tha sot se pavarësia e Kosovës është proces i pakthyeshëm që ka sjellë paqe dhe qëndrueshmëri në rajon. Ajo i bëri këto komente pas një takimi me presidentin e Hondurasit Porfirio Lobo Sosa, i cili shprehu gatishmërinë e tij që të ndihmojë Kosovën në procesin e njohjeve tek vendet e Amerikës Qendrore. Gjatë takimeve është diskutuar edhe për procesin e bisedimeve ndërmjet Kosovës dhe Serbisë të cilat rifilluan dje duke sjellë njohjen e vulave doganore të Kosovës nga ana e Serbisë.
