Lidhje

Japonezët po jetojnë edhe më gjatë se më parë


Japonezët, tashmë mes popujve të botës që jetojnë më gjatë, po jetojnë më gjatë se kurrë më parë.

Në një raport të ministrisë së Shëndetsisë sot thuhet se jetëgjatësia për femrat japoneze arriti një rekord botëror në 86.44 vjeç, mbi 4 muaj më gjatë se sa një vit më parë.

Mesatarja për femrat në Hong Kong është 86.1 vjeç dhe në Francë 84.5 vjeç, respektivisht në vend të dytë dhe të tretë në gjithë botën.

Jetëgjatësia për meshkujt japonezë u rrit duke arritur në 79.59 vjeç, por duke i rradhitur ata në vend të pestë në botë. Meshkujt jetojnë më gjatë në Katar, 81 vjeç. Po ashtu para japonezëve janë meshkujt në Hong Kong, Islandë dhe Zvicër.

Në raportin japonez thuhet se arsyeja e rritjes së jetëgjatësisë ka të bëjë me përmirësimin e kujdesit shëndetsor, ndërkohë që kjo shifër pësoi rënie tek meshkujt për shkak të shtimit të numrit të vetëvrasjeve dhe përdorimit të alkooholit tek të moshuarit.

XS
SM
MD
LG