Vitet e fundit, në Shqipëri ka gjetur përhapje sporti i xhudos dhe një kontribut të veçantë po jep ish-xhudisti dhe kampioni shqiptar, Anton Shkoza, i cili ka hapur Akademinë e pare të xhudos ne qytetin e Vaut të Dejës, ku çdo vit përgatiten në këtë sport disa dhjetra djem e vajza që marrin pjesë denjësisht në veprimtaritë kombëtare dhe ndërkombetare. Megjithëse i paralizuar për shkak të një aksidenti gjatë stërvitjeve për të marrë pjesë në Lojrat Olimpike te Sidneit, Anton Shkoza vazhdon të drejtojë me sukses sportin e xhudos në Shqipëri.