Në Kajro është rikthyer qetësia pasi autoritetet ushtarake të Egjiptit vendosën ndalim-qarkulimin gjatë natës së kaluar. Masat pasuan përleshjet që shpërthyen dje dhe lanë të vdekur 1 ushtar si dhe plagosën 300 vetë.
Dje trupat qeveritare u përleshën me protestuesit që kërkonin fundin e menjëhershëm të regjimit ushtarak, vetëm 3 javë para zgjedhjeve presidenciale.
Ushtarët përdorën gaz lotësjellës dhe pompa uji kundër mijëra demonstruesve që u mblodhën para Ministrisë së Mbrojtjes në Kajro. Mbi 300 vetë u arrestuan.
Zgjedhjet presidenciale të Egjiptit janë planifikuar për 23 dhe 24 maj. Sundimtarët ushtarakë janë zotuar të zhvillojnë zgjedhje të drejta.