Në Kosovë autoritetet kanë përsëritur përkushtimin për vendosjen e sundimit të ligjit në tërë vendin. Komentet e tyre janë bërë në prag të mbledhjes së nesërme të Këshillit të Sigurimit të Kombeve të Bashkuara, ku do të debatohet për gjendjen në Kosovë. Në raportin e Sekretarit të Përgjithshëm të Kombeve të Bashkuara, mes të tjerash shprehet shqetësimi për mundësinë e shtimit të tensioneve në veriun e Kosovës gjatë përpjekjeve të autoriteteve të Prishtinës për zbatimin e strategjisë për integrimin e asaj pjese të vendit të banuar me shumice serbe.