Në Kosovë përfaqësues institucionesh vendase e ndërkombëtare e cilësuan luftën kundër korrupsionit si emergjencë kombëtare që duhet të shndërrohet në përparësi të tillë. Gjatë debateve në kuadër të Këshillit Kombëtar për luftën kundër korrupsionit u tha se të gjitha studimet tregojnë se qytetarët e shohin korrupsionin si pengesën kryesore të zhvillimit të vendit. Kosova është radhitur ne mesin e vendeve me shkallë të lartë të korrupsionit në treguesit ndërkombëtarë të shkallës së kësaj dukurie.