Lidhje

Kosova, ekstremizmi dhe siguria kombëtare


Kosova, ekstremizmi dhe siguria kombëtare
please wait

No media source currently available

0:00 0:03:18 0:00

Një anketim i kohëve të fundit në Kosovë tregon se rreth 70 për qind e qytetarëve e shohin ekstremizmin e dhunshëm si sfidën më të madhe për sigurinë kombëtare. Megjithatë, në anketimin e kryer nga Qendra për Studime të Sigurisë një shumicë qytetarësh kanë besim në riintegrimin e luftëtarëve të huaj. Drejtuesit e kësaj qendre thanë se Kosova ka nevojë për një bashkërendim më të ngushtë mes institucioneve në mënyrë që të rinjtë të mos përfshihen në ekstremizëm.

Kosova, ekstremizmi dhe siguria kombëtare
please wait

No media source currently available

0:00 0:03:18 0:00

Një raport i Qendrës për Studime të Sigurisë në Kosovë, vë në pah se 70 për qind e qytetarëve e shohin ekstremizmin e dhunshëm si sfidën më të madhe për sigurinë kombëtare. Por, po ashtu një shumicë e qytetarëve beson së të kthyerit nga luftërat e huaja duhet t’u nënshtrohen programeve të rehabilitimit dhe riintegrimit.

Këto të dhëna u bënë të ditura gjatë publikimit të një raporti mbi gjendjen aktuale të përfshirjes së institucioneve dhe komunitetit në luftimin e ekstremizmit të dhunshëm.

Skënder Perteshi, nga kjo qendër tha se rreziqet nga ekstremizmi i dhunshëm shtohen në një shoqëri ku të rinjtë janë të papunë dhe pa mundësi të zhvillimit.

Shkalla më e lartë e papunësisë është te të rinjtë, po ashtu edhe mosha mesatare e qytetarëve tanë që iu kanë bashku këtij konflikti është më e reja në Evropë, është diku mes 24-26 afërsisht, mund të jetë më shumë më pak por këtu sillet. Pikërisht një mundësi shumë më e mirë për punësim për të rinjtë një mundësi shumë ma e mirë për të ardhme për të rinjtë, ndikon direkt në reduktimin e hapësirës së organizatave të ndryshme për me rekrutuar ose përfituar mendje të qytetarëve tonë për ekstremizëm të dhunshëm", tha Perteshi.

Sipas raportit 54 për qind e qytetarëve besojnë së të kthyerit nga lufta duhet t’u nënshtrohen programeve të riintegrimit, 24 për qind mendojnë se ata duhet të arrestohen menjëherë . Nga qytetarët e anketuar rreth 60 për qind mendojnë se të kthyerit duhet të ri pranohen në komunitet, por me mbikëqyrje nga shteti.

Drejtori ekzekutiv i kësaj qendre, Florian Qehaja, tha të hënën se Kosova ka një kuadër të mirë të ligjeve dhe politikave për luftimin e ekstremizmit të dhunshëm, por problemet shfaqen në zbatimin e tyre. Duke paraqitur një pjesë të raportit që mbështetet mbi siç thuhet mësimet e nxjerra nga tri komuna të Kosovës, Mitrovicë, Kaçanik dhe Hani i Elezit, ai tha se Kosova ka nevojë për një bashkërendim më të ngushtë me përfshirje të shoqërisë civile dhe të mos nënvlerësohet roli i Bashkësisë Islame.

Tutje mungesa e mundësive dhe niveli i lartë i papunësisë në tre komunat e përzgjedhura kanë krijuar një konsekuencë të pamenduar ku të rinjtë janë rekrutuar në ideologji ekstreme dhe përfshirje në konflikte të huaja në Siri dhe Irak. Sistemi i dobët i arsimit, një e gjetur që e kemi edhe nga raporti i vitit 2015 si dhe mungesa e aktiviteteve ekstra kurrikulare ka krijuar mundësinë ideale që rekrutuesit të arrijnë agjendat e tyre”, tha Qehaja.

Zoti Qehaja vuri theksin edhe tek problemet me regjimin e vizave të cilat kanë që një pjesë e të rinjve të udhëtojnë atje ku është e mundur pa viza duke përfunduar në shkolla konservatore fetare në Lindjen e Mesme.

Raporti vë në pah se 44 për qind e të anketuarve kanë ndjenja të njëjta ndaj përkatësisë së tyre kombëtare dhe fetare, ndërsa 22 për qind vënë përpara përkatësinë e tyre fetare.

Që nga fillimi i konfliktit në Siri, rreth 317 qytetarë të Kosovës besohet se janë përfshirë në konfliktet në Lindjen e Mesme dhe rreth 60 veta kanë humbur jetën. Rreth 120 syresh janë thyer prej andej, kryesisht të zhgënjyer me atë me të cilën janë përballur.

XS
SM
MD
LG