Në Kosovë ka patur vlerësime të ndryshme rreth hapjes së zyrës së veçantë të Bashkimit Evropian në veriun e vendit. Ndonëse, zyrtarët e Bashkimit Evropian thanë se kjo zyrë nuk ka të bëjë me planet e qeverisë në Prishtinë dhe të zyrës civile ndërkombëtare për integrimin e veriut të banuar me shumicë serbe, analistët shpresojnë se hapja e saj do të ndikojë në ndryshimin e status quosë, që ekziston që prej njëmbëdhjetë vjetësh në atë pjesë të Kosovës. Nga Prishtina njofton korrespondenti ynë, Leonat Shehu.