Përvjetori i sulmeve të 11 shtatorit, shënohet në forma të ndryshme çdo vit edhe në Kosovë, ku roli i Shteteve të Bashkuara vlerësohet si i pazëvendësueshëm në procesin e çlirimit dhe pavarësisë së vendit. Ulja e flamurit amerikan në gjysmë shtizë, parakalimi i zjarrfikësve dhe hapja e një ekspozite me fotografi, ishin disa nga veprimtaritë me qëllim solidarizimin me viktimat e sulmeve të 11 shtatorit në Shtetet e Bashkuara të Amerikës.