Në Kosovë, është paralajmëruar që javën e ardhshme mund të mbahet seanca e parlamentit për të zgjedhur kryetarin e tij që është kusht për vazhdimin e ndërtimit të institucioneve në bazë të zgjedhjeve të tetë qershorit. Javën e kaluar seanca u ndërpre pasi që parlamenti dështoi të zgjedh kryetarin e tij për shkak të qëndrimeve tërësisht të kundërta të partive politike. Diplomatët ndërkombëtarë po bëjnë thirrje për një zgjidhje që do të shmangte çuarjen e vendit në zgjedhje të jashtëzakonshme.
