Në Kosovë, familjarët e personave të zhdukur gjatë luftës, në natën e vitit të ri, bënë thirrje për më shumë angazhim të institucioneve vendase e ndërkombëtare për ndriçimin e fatit të të afërmve të tyre.
Kosova doli nga lufta e vitit 1999 me mbi 6 mijë të zhdukur, ndërsa edhe më tej mbetet i pandriçuar fati i afro 1 mijë e 800 personave, pjesa më e madhe e të cilëve të përkatësisë kombëtare shqiptare.