Krishtlindjet ortodokse u kremtuan edhe në kishat e manastiret e Kosovës, ndërsa liturgjia është shërbyer për herë të parë edhe në kishën e papërfunduar që ndodhet në qendër të Prishtinës. Autoritetet e Kosovës refuzuan t'i japin leje presidentit të Serbisë, Tomislav Nikoliç, që të qëndrojë në Kosovë me rastin e krishtlindjeve ortodokse, pas ndalimit të ish kryeministrit të Kosovës, Ramush Haradinaj të mërkurën në Francë në bazë të një urdhër arresti të lëshuar nga autoritete serbe. Të shtunën u vendos që Parlamenti i Kosovës të mbajë një seancë të jashtëzakonshme lidhur me zotin Haradinaj.