Në Kosovë, partitë e opozitës mbajtën sot në qytetin e Gjilanit një protestë të qetë, në kundërshtim të marrëveshjeve me Serbinë dhe asaj për shënimin e kufirit me Malin e Zi. Kundërshtimi i këtyre marrëveshjeve ka çuar në një krizë politike në Kosovë prej gati tre muajsh. Presidentja e Kosovës Atifete Jahjaga edhe sot bëri thirrje që palët të ulen në tryezën e bisedimeve, sepse, siç tha ajo, shteti nuk mund të sfidohet çdo ditë.
