Kosova sivjet duhet të kryesojë komitetin e përbashkët të vendeve nënshkruese të marrëveshjes për tregti të lirë në Evropën Qendrore, të njohur si CEFTA. Por, kryesimi i kësaj organizate mbetet ende i paqartë për shkak të problemeve politike. Që nga shpallja e pavarësisë së Kosovës, Serbia dhe Bosnja kanë bllokuar eksportet e mallrave të Kosovës në këto vende por edhe kalimin nëpër territoret e tyre. Nga Prishtina njofton korrespondenti ynë, Leonat Shehu.