Në Kosovë, zyrtarë të Prokurorisë kanë bërë të ditur se qindra zyrtarë janë nën hetime nën dyshimet për përfshirje në korrupsion. Këto komente u bënë gjatë prezantimit të punës së prokurorisë së Kosovës gjatë nëntë muajve të këtij viti, ku u tha se ndër synimet kryesore është lufta kundër krimit të organizuar dhe korrupsionit. Autoritetet në Kosovë thonë se janë të përkushtuara në luftën kundër korrupsionit, të cilat janë pjesë e kritereve të përcaktuara për përfshirjen e Kosovës në proceset integruese evropiane.