Të hënën mbrëma autoritetet në Kosovë konfirmuan 17 raste të reja të të prekurve nga koronavirusi pas 226 testeve.
Instituti Kombëtar i Shëndetësisë Publike tha se 5 raste janë nga komuna e Prizrenit, 3 raste nga komuna e Leposaviqit, 2 raste nga komuna e Podujevës dhe nga 1 rast në Prishtinë, Dragash, Pejë, Kaçanik, Rahovec, Suharekë dhe Zveçan.
Rastet e së hënës e çuan në 780 numrin e përgjithshëm të të prekurve nga të cilët 22 veta kanë humbur jetën.
Viktima e 22-të është konfirmuar të hënën dhe bëhet fjalë për një 53 vjeçar nga komuna e Pejës.
Po të hënën mbrëma autoritetet shpallën se janë shëruar 35 persona duke e çuar në 201 numrin e përgjithshëm të të shëruarve.