Ekspertët vendas dhe evropian të mjekësisë ligjore, thanë se janë gjetur rroba dhe eshtra të viktimave të luftës në Kosovë, gjatë gërmimeve në një varrezë të dyshuar në qytetin e Rashkës në jugperëndim të Serbisë, jo fort larg kufirit me Kosovën.
Gërmimet filluan të martën më dhjetë dhjetor. Udhëheqësi i ekipit eksperteve të
Departamentit të Mjekësisë Ligjore, Arsim Gërxhaliu, paralajmëroi se do të vazhdojnë kërkimet në atë zonë ku besohet se nën themelet e një godine ka ende trupa të personave të zhdukur gjatë luftës në Kosovë.
Në atë zonë edhe më herët ishin bërë gërmime, por pa rezultate duke u bazuar në pohimet e autoriteteve serbe të drejtësisë të cilët tre vjet më parë thanë se mund të kenë zbuluar një varrezë masive ku besohet se mund të jenë trupat e 250 shqiptarëve të vrarë gjatë luftës së viteve 1998 - 1999 në Kosovë.
Edhe 14 vjet pas përfundimit të luftës në Kosovë mbetet i panjohur fati i mbi 1 mijë e 700 personave, pjesa më e madhe e të cilëve të përkatësisë kombëtare shqiptare.
Kosova doli nga lufta me mbi 10 mijë të vrarë dhe mbi 5 mijë të zhdukur.
Një pjesë e madhe e trupave u gjetën në varreza masive ne Serbi ku ishin dërguar nga forcat serbe në përpjekje për të fshehur gjurmët e mizorive të tyre. Varreza më e madhe është zbuluar në vitin 2001, në Batajnice afër Beogradit, ku në terrenet e stërvitjeve të forcave të posaçme serbe u gjetën trupat e 800 shqiptarëve të Kosovës.
Gërmimet filluan të martën më dhjetë dhjetor. Udhëheqësi i ekipit eksperteve të
Departamentit të Mjekësisë Ligjore, Arsim Gërxhaliu, paralajmëroi se do të vazhdojnë kërkimet në atë zonë ku besohet se nën themelet e një godine ka ende trupa të personave të zhdukur gjatë luftës në Kosovë.
Në atë zonë edhe më herët ishin bërë gërmime, por pa rezultate duke u bazuar në pohimet e autoriteteve serbe të drejtësisë të cilët tre vjet më parë thanë se mund të kenë zbuluar një varrezë masive ku besohet se mund të jenë trupat e 250 shqiptarëve të vrarë gjatë luftës së viteve 1998 - 1999 në Kosovë.
Edhe 14 vjet pas përfundimit të luftës në Kosovë mbetet i panjohur fati i mbi 1 mijë e 700 personave, pjesa më e madhe e të cilëve të përkatësisë kombëtare shqiptare.
Kosova doli nga lufta me mbi 10 mijë të vrarë dhe mbi 5 mijë të zhdukur.
Një pjesë e madhe e trupave u gjetën në varreza masive ne Serbi ku ishin dërguar nga forcat serbe në përpjekje për të fshehur gjurmët e mizorive të tyre. Varreza më e madhe është zbuluar në vitin 2001, në Batajnice afër Beogradit, ku në terrenet e stërvitjeve të forcave të posaçme serbe u gjetën trupat e 800 shqiptarëve të Kosovës.