Policia e Kosovës tha se arrestoi të premten mbrëma kryetarin e komunës së Istogut, Haki Rugova dhe dy zyrtarë të tjerë nën dyshimet për përfshirje në korrupsion.
Policia tha se ka intervistuar tre persona në cilësinë e të dyshuarve, nën dyshimin e kryerjes së veprave penale: “keqpërdorim i pozitës apo autoritetit zyrtar”, “konflikt i interesit” dhe “falsifikim i dokumentit zyrtar”.
Pas intervistimit me vendim të Prokurorit të Shtetit, ndaj të treve është shifruar masa e ndalimit prej 48 orësh.
Haki Rugova është po ashtu nënkryetar i Lidhjes Demokratike të Kosovës, e cila drejton aktualisht qeverinë e Kosovës.
Facebook Forum