Autoritetet serbe të drejtësisë thanë se kanë dëshmitarë lidhur me pretendimet për përfshirje të pjesëtarëve të ish Ushtrisë Çlirimtare të Kosovës në trafikimin e organeve njerëzore në fund të viteve të 90-ta.
Prishtina i cilëson këto si përpjekje për të zbehur kremtimet me rastin e përfundimit të mbikëqyrjes së pavarësisë.
Prokurori i Serbisë për krime të luftës, Vladimir Vukçeviç, tha të dielën se prokuroria e tij ka “një dëshmitar, që ka rrëfyer për procedurën mjekësore të kryer në pjesën veriore të Shqipërisë, që kishte të bënte me marrjen e organeve të serbëve të rrëmbyer gjatë konfliktit të viteve 1998-99 në Kosovë”.
Ai i ka thënë agjencisë së lajmeve AFP se dëshmitari “e ka përshkruar operacionin e zemrës së një të burgosuri serb në afërsi të Kukësit, në fund të viteve të 90-ta dhe transportimin e saj në aeroportin e Tiranës, për ta shitur në tregun e zi”.
Sipas tij, dëshmitari, pjesëtar i ish Ushtrisë Çlirimtare të Kosovës, po mbahet nën mbrojtje, por nuk janë dhënë hollësi të tjera.
Ministri i jashtëm i Kosovës Enver Hoxhaj ndërkaq ka theksuar se pretendimet e tilla janë përpjekje për të lënë nën hije kremtimet e sotme në Kosovë me rastin e përfundimit të mbikëqyrjes së pavarësisë. “Koha e zgjedhur për publikimin e një informacioni të tillë është e zakonshme për një vend që funksionon me rregullat e “luftës së ftohtë”, ka deklaruar ministri Hoxhaj.
Në gusht të vitit 2011 Misioni i Bashkimit Evropian për policinë dhe drejtësinë në Kosovë, bëri të ditur se prokurori amerikan John Clint Williamson, do të drejtojë punën e grupit hetues të EULEX-it për hetimin e pretendimeve të të dërguarit të Këshillit të Evropës Dikc Marty për trafikim organesh në Kosovë
Në dhjetor të vitit 2010 senatori zviceran Dick Marty, ngriti pretendimet për siç thuhet, përfshirjen e disa prej ish-drejtuesve të Ushtrisë Çlirimtare të Kosovës, në mesin e të cilëve edhe kryeministri Hashim Thaçi, në trafikimin e organeve të personave që, siç thuhet ishin rrëmbyer nga forcat e Ushtrisë Çlirimtare të Kosovës.
Pretendimet e ngritura në një raport të tij raport, nxitën reagime të zemëruara në Prishtinë, ku autoritetet hodhën poshtë pohimet e tilla ndërsa u shprehën të gatshëm të bashkëpunojnë me drejtësinë ndërkombëtare për hetimin e të gjitha pretendimeve.
Pohimet e tilla për herë të parë u ngritën nga ish kryeprokurorja e Gjykatës së Hagës, Carla del Ponte në librin e saj “Gjuetia”, të botuar në vitin 2008. Pas kësaj një numër organizatash ndërkombëtare kërkuan hetime, ndërsa Këshilli i Evropës caktoi zotin Dick Marty të merret me këtë çështje.
Prishtina i cilëson këto si përpjekje për të zbehur kremtimet me rastin e përfundimit të mbikëqyrjes së pavarësisë.
Prokurori i Serbisë për krime të luftës, Vladimir Vukçeviç, tha të dielën se prokuroria e tij ka “një dëshmitar, që ka rrëfyer për procedurën mjekësore të kryer në pjesën veriore të Shqipërisë, që kishte të bënte me marrjen e organeve të serbëve të rrëmbyer gjatë konfliktit të viteve 1998-99 në Kosovë”.
Ai i ka thënë agjencisë së lajmeve AFP se dëshmitari “e ka përshkruar operacionin e zemrës së një të burgosuri serb në afërsi të Kukësit, në fund të viteve të 90-ta dhe transportimin e saj në aeroportin e Tiranës, për ta shitur në tregun e zi”.
Sipas tij, dëshmitari, pjesëtar i ish Ushtrisë Çlirimtare të Kosovës, po mbahet nën mbrojtje, por nuk janë dhënë hollësi të tjera.
Ministri i jashtëm i Kosovës Enver Hoxhaj ndërkaq ka theksuar se pretendimet e tilla janë përpjekje për të lënë nën hije kremtimet e sotme në Kosovë me rastin e përfundimit të mbikëqyrjes së pavarësisë. “Koha e zgjedhur për publikimin e një informacioni të tillë është e zakonshme për një vend që funksionon me rregullat e “luftës së ftohtë”, ka deklaruar ministri Hoxhaj.
Në gusht të vitit 2011 Misioni i Bashkimit Evropian për policinë dhe drejtësinë në Kosovë, bëri të ditur se prokurori amerikan John Clint Williamson, do të drejtojë punën e grupit hetues të EULEX-it për hetimin e pretendimeve të të dërguarit të Këshillit të Evropës Dikc Marty për trafikim organesh në Kosovë
Në dhjetor të vitit 2010 senatori zviceran Dick Marty, ngriti pretendimet për siç thuhet, përfshirjen e disa prej ish-drejtuesve të Ushtrisë Çlirimtare të Kosovës, në mesin e të cilëve edhe kryeministri Hashim Thaçi, në trafikimin e organeve të personave që, siç thuhet ishin rrëmbyer nga forcat e Ushtrisë Çlirimtare të Kosovës.
Pretendimet e ngritura në një raport të tij raport, nxitën reagime të zemëruara në Prishtinë, ku autoritetet hodhën poshtë pohimet e tilla ndërsa u shprehën të gatshëm të bashkëpunojnë me drejtësinë ndërkombëtare për hetimin e të gjitha pretendimeve.
Pohimet e tilla për herë të parë u ngritën nga ish kryeprokurorja e Gjykatës së Hagës, Carla del Ponte në librin e saj “Gjuetia”, të botuar në vitin 2008. Pas kësaj një numër organizatash ndërkombëtare kërkuan hetime, ndërsa Këshilli i Evropës caktoi zotin Dick Marty të merret me këtë çështje.