Persona të panjohur kanë dëmtuar një pllakë përkujtimore kushtuar 14 serbëve të vrarë në një fshat në jug të Prishtinës.
Policia tha se nuk ka njohuri për autorët apo motivet e mundshme të dëmtimit të pllakës në fshatin Grackë e Vjetër të komunës së Lipjanit.
Mediet lokale thanë se afër pllakës ishte shkruar fjala "Hakmarrje". Pllaka përkujtimore u ishte kushtuar 14 buqëve serbë të vrarë në rrethana të paqarta në korrik të vitit 1999.
Dëmtimi i pllakës u dënua nga Lista Serbë që është subjekti kryesor politik i serbëve të Kosovës.
Ndaj këtij incidenti reagoi edhe Fondi për të Drejtën Humanitare në Kosovë, sipas të cilit incidente të tilla "mund të ndikojnë në rritjen e ndjenjës së pasigurisë tek banorët e fshatit si dhe në marrëdhëniet ndëretnike, të cilat kohëve të fundit kanë qenë dukshëm të përmirësuara".
Pllaka përkujtimore ishte vizituar më 20 korrik nga presidenti i Kosovës, Hashim Thaçi, i cili nxitit reagime të shumta me këtë vizitë.
Përfaqësues të serbëve në këtë fshat reaguan me zemërim duke kërkuar që presidenti të angazhohet për ndriçimin e asaj çfarë kishte ndodhur korrik të vitit 1999 dhe jo të "hedhë kripë në plagën e familjarëve".
Presidenti Thaçi u kritikua nga një pjesë e opinionit shqiptar që e cilësoi se ishte gabim një vizitë e tillë në një vend ku thuhet se ta varët ishin viktimat të "terrorit shqiptarë dhe agresionit të NATO-s".