Në Prishtinë, u shty përsëri sot procesi gjyqësor ndaj udhëheqësit të lëvizjes Vetëvendosje, Albin Kurti, meqë ai nuk pranon të paraqitet në gjykatat e drejtuara nga EULEX-i. Zoti Kurti akuzohet për përfshirje në protestat e 10 shkurtit të vitit 2007, gjatë të cilave humbën jetën dy persona dhe u plagosën dhjetëra të tjerë. Çështja e këtij procesi gjyqësor ka nxitur shumë reagime, duke vënë në pah mes tjerash edhe gjendjen ende të rëndë në sistemin e drejtësisë në Kosovë.