Bashkimi Demokratik për Integrim në Maqedoni ka vendosur të tërheqë ministrat dhe zëvendës-ministrat e saj nga qeveria për shkak të një skandali të publikuar rishtaz në rrjetet sociale në internet. Analistët e shikojnë këtë hap të partisë shqiptare si një manovër për përmirësimin e ndikimit tek votuesit shqiptarë. Megjithatë, ish-kryeministri dhe kryetar i VMRO-DPMNE-së Nikolla Gruevski u ka thënë mjeteve të informimit se BDI-ja nuk largohet nga qeveria por vetëm bën ndërrimin e pjesëtarëve të kabinetit.
